Иновативна технологија за културни институции

Организиравме еднодневен промотивен настан за студенти по ИКТ науки, млади претприемачи и претставници на културни институции од Северна Македонија споделувајќи искуства за дигиталните технологии и нивното влијание врз културните институции и нивното управување.

Организиравме еднодневна воведна работилница со претставници од културни институтуции и ИКТ професионалци на која нафрлаа идеи за области од взаемен интерес и можна соработка во користењето на дигиталните и нови технологии.

Организираме КулТИП предизвик за претприемаштвото и технологија во културата, на кој поканивме претприемачи, старт-ап компании и студенти по информатички науки и компјутерско инженерство да соработуваат заедно со претставници на културни институции во Северна Македонија. Предизвикот треба да понуди иновативни решенија за тоа како новите технологии и иновации може да им помогнат на културните институции во нивното управување и развој на публика.

Избравме 6 тимови од КулТИП предизвикот и обезбедуваме интензивна 4-дневна обука за тоа како тимовите да ги развијат своите првични проектни идеи и да научат за деловно планирање, маркетинг, буџетирање и презентација на нивниот проект.

Избравме победничко решение на КулТИП натпреварот од шест културни институции и тимови од Северна Македонија кои понудија иновативни технолошки предлози за институции во културата. Настанот беше закажан за вторник, 14 октомври 2014 година од 13.00 - 15.00 часот во амфитеатарот на ТМФ во Скопје на кој присуствуваа претставници од музеи, библиотеки, ИТ фирми, млади претприемачи и студенти на ФИНКИ. За најдобро КулТИП решение беше избран проектот „Веб базиран аудио плеер за стриминг на аудио книги“ на НУБ „Св. Климент Охридски“-Скопје во партнерство со МАСИТ. Во следниот период следи реализација и промоција на избраното решение.

НУБ „Св. Климент Охридски“ - Скопје и Факултетот за информатички науки и комјутерско инженерство (ФИНКИ) со поддршка на Британски совет создадоа аудио плеер за лица со посебни потреби, кој има за цел да овозможи полесен пристап до аудио содржините обезбедени од Одделението за слепи и слабовидни лица при националната и универзитетска библиотека. Дознајте повеќе за овој последен промотивен настан.