PlayUK image

29 ОКТОМВРИ–4 НОЕМВРИ | СКОПЈЕ

Art. Tech. Play.

ДНЕВНАТА СОБА ОД ИДНИНАТА | ИЗЛОЖБА | МУЗИКА | РАБОТИЛНИЦИ | ПАНЕЛ ДИСКУСИИ И ПРЕЗЕНТАЦИИ

Дигиталната платформа PlayUK ја продолжува својата турнеја низ Западен Балкан со посета на Скопје, Македонија. По успешните изданија на фестивалот за нови дигитални медиуми во Сараево, Белград и Приштина, најновото издание на PlayUK Arcadia ќе почне во Музејот на современа уметност - Скопје на 29 октомври и ќе опфати неколку возбудливи сегменти што ќе траат до 4 ноември во Младински културен центар. 

PlayUK е платформа на Британски совет за Западен Балкан чија цел е да го поддржи и развие аудио-визуелниот сектор во регионот. Преку воспоставување врски меѓу професионалци од Обединетото кралство и земјите од Западен Балкан, програмата на PlayUK го поддржува преносот на знаење и вештини во областите на виртуелна реалност, аугментирана реалност, визуелни ефекти и анимација, и создава уникатен мост меѓу креативците и ИКТ секторот. 

Дел од програмата во Скопје ќе биде интерактивна дигитална изложба на која ќе бидат претставени најновите и најголемите достигнувања во полето на ВР и АР инсталации, видео игри, мобилни апликации и друго; работилницата Дневна соба од иднината, чиј домаќин е FACT, ја истражува иднината на радиодифузијата; работилница што ќе ја води Forensic Architecture, кој беше во потесниот круг кандидати за Тарнеровата награда во 2018, во Музејот на современа уметност во Скопје; како и дневна музичка програма со диџеи од Западен Балкан и Обединетото кралство. Десетина креативци од дигиталните медиуми и експерти од Западен Балкан ќе бидат поканети да престојуваат во Скопје и да учествуваат во програмата.

Покрај Британски совет, ова издание на PlayUK ќе има и други партнери, како Музеј на современа уметност - Скопје, Младинскиот културен центар, Фондацијата за уметност и креативна технологија (FACT), Би-Би-Си и Универзитетот Ланкастер. 

Посетете го вебсајтот на Британски совет за повеќе информации како да аплицирате или да присуствувате на работилниците. 

Следете не, секој ден ја збогатуваме програмата!

ДНЕВНАТА СОБА ОД ИДНИНАТА | ИЗЛОЖБА | МУЗИКА | РАБОТИЛНИЦИ | ПАНЕЛ ДИСКУСИИ И ПРЕЗЕНТАЦИИ