„PlayUK“ ги поддржува креативците од сите земји од Западен Балкан кои сакаат да ја унапредат нивната кариера во гејмерската индустрија. Со задоволство ве известуваме дека во рамките на „PlayUK 20/21“ ќе се реализира новата програма за менторство во 2021 година.

За време на тримесечната програма, која ќе започне во јануари, 10 креативци кои се на почетокот од својата кариера во гејмерската индустрија ќе имаат можност да работат со избрани ментори - експерти од оваа индустрија во Обединетото Кралство. 

За учесниците во програмата предвидени се индивидуални менторски сесии, со времетраење во 8 часови, преку кои тие од менторите ќе добијат поттик да ги идентификуваат нивните цели, амбиции, развојни потреби и да истражат како да ги остварат. Во рамките на програмата ќе се одржи и динамичен настан за вмрежување на којшто учесниците ќе имаат можност да ѝ ја претстават својата работа на публиката ширум светот.

Пријавувањето може да започне! Покрај кандидатите од земјите од Западен Балкан (Албанија, Босна и Херцеговина, Косово, Црна Гора, Северна Македонија и Србија), може да се пријават и кандидати од земјите од поширока Европа (Ерменија, Азербејџан, Грузија, Израел, Казахстан, Русија, Турција, Украина и Узбекистан) од кои ќе се изберат најмногу тројца учесници.

КОНКУРСОТ Е ОТВОРЕН

Слободно може да се пријават сите лица кои работат на игри од разни области, вклучително дизајн, програмирање, наративен дизајн, продукција и уметност, пишување сценарија и развој на заедницата. Во потрага сме по поединци кои се на почетокот или во рана фаза од нивната кариера, како и по сите на кои им е потребна поддршка да ги идентификуваат новите цели и да работат на нивното исполнување. Имајте на ум дека е неопходно да имате одговорното ниво на англиски за да би учествувале, затоа што програмата е на тој јазик.

МЕНТОРИ НА ПРОГРАМАТА

Нашите ментори имаат широка експертиза и специјалност која опфаќа наративен дизајн, продукција, дизајн на игри, деловен развој, кураторство и програмирање. Нивното колективно искуство опфаќа голем број игри за мобилен телефон, компјутер и конзола, многубројни награди од Британската академија за филмски и телевизиски уметности (БАФТА), соработка со водечките светски културни институции и водечки улоги во врвните компании за производство на видеоигри. 

Ед Фир

Главниот креативец (Mediatonic Games)

Џенифер Шнајдерајт
Создавачка на игри и коосновачка (Nyamyam Games)

Џоди Азар
Извршна директорка и директорка за игри (Teazelcat Games), техничка и уметничка директорка (Silver Rain Games)  

Кетрин Бидвел
Коосновачка и продуцентка (State of Play)

Мајк Андерсон
Продуцент (ustwo games)

Му Ју
Коосновач и програмер (Foam Sword)

Оливија Вуд
Наративна дизајнерка и уредничка (Failbetter Games)

Рики Хагет
Коосновач и дизајнер на игри (Hollow Ponds) 

Том Виен
Коосновач, програмер и дизајнер (SFB Games) 

КАКО ДА СЕ ПРИЈАВИТЕ

Крајниот рок за пријавување е до 10 декември (четврток), 17.00 часот по средноевропско време. Формуларот за пријавување е достапен овде. Доколку не сте во можност да го пополните формуларот, слободно испратете ни аудио или видео пријава на следнава адреса на е-пошта: jovana.bjelakovic@britishcouncil.org. Доколку се соочувате со какви било проблеми при пријавувањето, Ве молиме стапете во контакт со: jovana.bjelakovic@britishcouncil.org.

КЛУЧНИ ДАТУМИ ОД ПРОГРАМАТА

Пријавувањето започнува на 25 ноември и завршува на 10 декември, во 17.00 часот по средноевропско време. Се надеваме дека ќе успееме да ги известиме сите пријавени за резултатите до 21 декември. Програмата за менторство ќе започне на 13 јануари (четврток), а менторските сесии со времетраење од еден час ќе се реализираат сѐ до 18 март. На 25 март ќе се одржи виртуелна изложба на која менторираните учесници ќе имаат можност да ја претстават својата работа.

Доколку имате какви било прашања за програмата или за пријавувањето, Ве молиме стапете во контакт со: jovana.bjelakovic@britishcouncil.org.
Споделете на социјални мрежи