Финалната таписерија од овој циклус го прикажува бруталниот крај на животот на Тим. Тим загинува во сообраќајна несреќа; до неговиот пад придонесува фактот што тој пребрзо го возел своето скапо Ферари. Тим умира во рацете на непознат минувач, една жена, и една медицинска сестра која се обидува да го спаси. Таа сцена во шок ја набљудува втората жена на Тим, а минувачи ја фотографираат глетката со своите телефони. На земјата испаднало списание од торбата на чија насловна страна се Тим и неговата помлада жена.
#Оплакување се повикува на библискиот приказ на „Оплакувањето“ прикажано на сликата на белгискиот уметник Рохир ван дер Вејден, од 15 век. На неа Богородица и Јован Евангелист го држат телото на распнатиот Христос (овде заменет со Тим), додека Марија Магдалена (претставена од неговата сопруга) натажено набљудува од страна. Черепот кој се наоѓа во преден план во сликата на ван дер Вејден, Пери го заменува со искршен паметен телефон, потсетувајќи нè на телефонот кој го држи мајката на Тим во првата таписерија. Оваа сцена се повикува и на завршната слика од Хогартовиот циклус „Животот на развратник“ (1733) во која Том Рејквел умира во лудница.