Колеџот Лидс ќе претстави сосема нов курс за да се задоволат потребите на дигиталната индустрија кои постојано растат.

Дипломата за мобилни апликации и игри од трето ниво е прва во регионот на Јоркшир со која се комбинираат мобилната технологија и развивањето на апликации за десктоп компјутери. Курсот е дизајниран да ги задоволи потребите од технолошки експерти, по брзиот пораст на употреба на мобилни апликации во деловниот сектор, секторот за забава и компјутерскиот сектор. 

Тој ќе им овозможи на учениците да го истражуваат растечкото поле на апликации и игри така што ќе дизајнираат и развиваат апликации за десктоп компјутери и за мобилна технологија. Со курсот ќе се подобри разбирањето и вештините за развивање на современи апликации, манипулирање со графика, кодирање и дизајнирање на кориснички интерфејс за дигитален маркетинг и за компаниите. 

Различните единици на курсот ќе го водат ученикот да стекне разбирање и вештини за користење на различни софтверски алатки за дизајнирање и развивање на мобилни и десктоп апликации. 

Ова се дел од единиците што се опфатени:

  • медиумска репрезентација                                                                    
  • работа во индустријата на креативни медиуми                                      
  • вештини за дигитални медиуми                                                              
  • предпродукциско портфолио                                                              
  • истражување на специјалистички предмет                                            
  • медиумски кампањи                                                                              
  • одговорање на комисија                                                                  
  • продукција за апликации                                                                      
  • продукција за вебсајт                                                                            
  • продукција за дигитални игри 

Тука може да прочитате повеќе за достапните единици од курсот (на англиски) 

Ариф Јунус и Тим Балмфорт, водачи за наставна програма по визуелни и дигитални уметности на колеџот Лидс, изјавија: 

„Во ера кога се што правиме во секојдневниот живот може да се моделира преку мобилни апликации, сакавме да создадеме курс што го опфаќа ова и им дава на студентите солидни знаења за индустријата на креативни медиуми како и неопходни вештини што ќе им овозможат да напредуваат во овој сектор што постојано расте. Курсот комбинира вистински баланс на креативност со техничкни компјутерски операции за да го постигне ова и да им овозможи на студентите да градат кариера во индустријата“.