Sfida e Kodimit 2021

Sfida e Kodimit 2021 është e hapur për të gjithë nxënësit e klasave 6 deri 9 nga shkollat ​​që plotësojnë kriteret e mëposhtme:

• Kanë marrë pjesë në ciklin e tretë të trainimeve tona për mendimin kritik dhe zgjidhjen e problemore dhe kanë marrë mikro:bit si pjesë e programit "Shkollat ​​e Shekullit 21". Lista e plotë e shkollave të pranueshme mund të gjendet këtu.
• Shkollat ​​mësuesit e të cilave kanë përfunduar kursin online për përdorimin e pajisjeve mikro:bit.

Sfida e Kodimit do të hapet në datën 17 Shkurt 2021, dhe procesi i aplikimit do të mbyllet në datën 3 Mars 2021, procesi i vlerësimit do të zhvillohet në tre (3) faza:

Në fazën e parë të Sfidës, të gjitha aplikimet e paraqitura do të vlerësohen kundrejt kritereve të kualifikimit. Për t'u kualifikuar për vlerësimin e projektit, projektet duhet të dorëzohen nga ekipe, të përbëra vetëm nga 2 anëtarë të ekipit. Të paktën një vajzë inkurajohet të jetë pjesë e secilit ekip. Përveç kësaj, pjesëmarrësit janë të ftuar të paraqesin sa vijon:

• Detajet e kontaktit – sic janë të specifikuara në formularin e regjistrimit
• Formularin për privatësinë e informacioneve të garës dhe marrjen e pëlqimit të nënshkruar: Shtojca 2
• Dokumentin prezantues: Shtojca 3 – përshkrim i shkurtër i projektit, problemet që adreson, si do t’i ndihmojë nxënësit, shkollën apo komunitetet e tyre? Si lidhet projekti me Qëllimet e Zhvillimit të Qëndrueshëm (Përshkrimi i projektit duhet të dorëzohet si dokument në formatin 'Word'. Fotografitë e letrave të shkruara me dorë do të shënohen me pikë minimale.)
• Ngarkimin e dosjes .hex. Aplikantët duhet të paraqesin kodin. (Kodi duhet të dorëzohet në një format që mund të kontrollohet dhe testohet për funksionalitetet e tij.)
• Video e projektit funksional dhe prezantimi i tij (5 minuta).

Të gjitha dokumentet e kërkuara supozohet të ngarkohen në një dosje (folder). Ju lutemi, plotësoni të gjitha dokumentet në format dixhital. Çdo aplikim jo i plotë do të hiqet në këtë fazë. Më shumë informacion se si të zgjidhni projektin dhe si të përgatitni një video do të gjeni në dokumentin Shrojca 6. Udhëzimet për Shkollat.

Aplikimet e pranueshme do të vlerësohen kundrejt kritereve të mëposhtme të vlerësimit:

• Qëllimi i projektit dhe ndikimi i përgjithshëm.
• Origjinaliteti dhe kreativiteti në zgjidhjen e një problemi
• Hartimi funksional i projektit
• Kompleksiteti teknik i kodit

Anëtarët ekspertë të TIK-ut të jurisë do të përzgjedhin deri në 10 projektet më të mira që do të paraqiten për fazën 3 të sfidës - Sfida e Kodimit drejtpërdrejt në internet. Në varësi të cilësisë së paraqitjes mund të ketë më pak se 10 ekipe të ftuara në eventin drejtpërdrejt në internet.

Lista e projekteve të përzgjedhura që do të ftohen për eventin drejtpërdrejt në internet, do të publikohet në faqen tonë www.britishcouncil.mk, dhe pjesëmarrësit do të njoftohen përmes postës elektronike të paraqitur në aplikacion.

Ekipet me projektet e përzgjedhura do të marrin pjesë në fazën finale, eventin në internet të sfidës. Eventi drejtpërdrejt në internet do të organizohet nëpërmjet aplikacionit Microsoft Team. Ne do të mundësojmë një link dhe një seancë prove. Të gjitha ekipet do të kenë një shans të provojnë këtë aplikacion të Microsoft Teams përpara eventit të drejtpërdrejtë dhe të adresojnë çdo çështje ose pyetje që ata mund të kenë.

• Në aktivitetin online, secili ekip do të ketë 10 minuta për prezantimin e projektit dhe pyetjet nga juria.
• Prezantimi do të jepet në format video deri në 5 minuta. Videot do të filmohen para aktivitetit të drejtpërdrejtë, ose të njëjtat video të paraqitura në fazën 1 mund të përdoren. Udhëzimet se si ta filmoni sa më mirë videon tuaj përfshihen në Udhëzimet për Shkollat.
• Juria do të ketë 5 minuta kohë për të bërë pyetje në lidhje me projektin, dhe do të vlerësojë projektet bazuar në: njohuritë e përgjithshme mbi përmbajtjen e projektit; kompleksiteti teknik i kodit; dhe aftësitë e prezantimit.