Современите конфликти се почесто се случуваат во густо населени и медијатизирани средини. Многубројни се наводите за прекршување на човековите права што се случуваат таму, но тие често се изобличени или едноставно замолчени од официјалните приказни. Пристапот за да се води истрага до овие места главно е привилегија на државата.
Forensic architecture, мултидисциплинарна истражувачка агенција од Голдсмитс, Универзитет Лондон, прави просторно-временска анализа на места на злосторства во обид да најде скриени докази и да ги направи достапни за јавен дијалог. Во свет на алтернативни факти и се поголем надзор, оваа група го врти погледот кон внатре преку истражувачка пракса што ги поврзува областите на активизам, наука, технологија и естетика.
Unearthing State Violence, предавање и работилница
Предавањето и работилницата на Симон Роват и Стефанос Левидис ги организира Музејот за современа уметност – Скопје како дел од нивната интердисциплинарна програма Радикално образование, во соработка со Британски совет, како дел од нивната програма PLAYUK. Подолу може да ги најдете нивните биографии.
