Паралелно со изработката на скулптури, Хрст има работено и на бескрајна серија слики со точки, генерички наречени Фармацевтски слики (The Pharmaceutical Paintings). Зборувајќи за нив тој вели дека се работи за „научен пристап кон сликарството, слично на начинот на кој фармацевтските компании научно му пристапуваат на животот“.
Сликите со точки на Хрст спаѓаат во едни од најпрепознатливите во современата уметност. Тие се симбол кој е универзално признаен и кој ги надминува границите на културата и на јазикот.
