ВОВЕДНА КОНФЕРЕНЦИЈА | БУДВА

80 учесници од шест земји од Западен Балкан и Велика Британија учествуваа на еднодневна конференција во Будва на 19 јануари 2018, одбележувајќи го почетокот на пилот проектот „Дигитални градови“. Дел од учесниците беа професионалци од дигиталната индустрија, административни претставници на градовите, хабови и претпријатија. Градовите од Западниот Балкан ги презентираа и дискутираа нивните приоритети и иницијативи за развој на дигитални политики и стратегии, додека професионалците од дигиталната индустрија ги претставија своите портфолија и учествуваа во презентациите и активностите. Исто така, тие беа вклучени во сесиите за развој на почетен капацитет заедно со дел од британските лидери во ова поле, како Џон Њубигин – раководител на „Creative England“, Чарлс Армстронг – основач на „Тhe Trampery“ и Лазар Џамиќ – експерт за дигитален маркетинг.

ДИЈАЛОГ ЗА ПОЛИТИКИ, ВЕЛИКА БРИТАНИЈА - ЗАПАДЕН БАЛКАН | ЛОНДОН

На симпозиумот за политики на „Дигитални градови“ кој се одржа во Лондон од 29-30 јануари 2018 година, делегацијата од 17 високи претставници од Западниот Балкан се сретна со претставници на 11 градови од Велика Британија, со цел да се поврзат и да разменат искуство за развој на политики во дигиталната индустрија.

Учесниците имаа прилика да посетат некои од водечките јавно-приватни партнерски организации во Лондон, вклучувајќи ја британската библиотека и „Business and IP Centre“, како и „Youtube Space London“. Како дел од програмата тие имаа прилика да видат и искусат некои од водечките дигитални иновации во креативните индустрии, вклучувајќи проширена и виртуелна реалност на настанот организиран од „All-Party Parliamentary Group“ - Четврта индустриска револуција и Креативна Англија – отворен од страна на Хон Мет Хенкок, британскиот секретар за дигитални технологии, култура, медиуми и спорт.

ПОСЕТА ЗА СТРУЧЕН РАЗВОЈ | БРИСТОЛ И МАНЧЕСТЕР

Седум професионалци од дигиталната индустрија од Западен Балкан беа дел од посетата на Бристол и Манчестер, каде имаа прилика да видат примери за најдобрите практики од заеднички работни простории, едукативни програми и дигитални бизниси. Тие учестуваа на конференцијата „Биди повеќе Манчестер“  на настанот за креативни индустрии и имаа прилика да се состанат „еден на еден“ со колегите од Велика Британија

КАМП ЗА ОБУКА | МОКРИН ХАУС

По серијата настани во Западниот Балкан и Велика Британија, професионалците во дигиталната индустрија од 46 избрани хабови и компании имаа прилика да учествуваат на кампот за обука. Со оваа тридневна интензивна програма се посвети внимание на потребите за развој кои ги искажаа учесниците при процесот на пријавување, покривајќи различни теми, од претприемништво во 21-от век, дигитален менаџмент на производи, тимска култура, „blockchain” и стратешки маркетинг за дигитални бизниси.

Дополнителни страници